شط السلام - قابس 15 أفريل 2054
فريق صحفي من الولايات المتحدة الامركية جوُ الڨابس باش يعملوا ريبورتاج على البخارة، واللي همٌا سام و نيكولاس، عاد مشيت اني ومعز باش نقابلوهم ونسهلولهم مهمة التصوير بعد ما عرفونا بهم اختنا منى و خونا علي !
تعرفنا عليهم و طلعوا على محلاهم خاصتًًا سام يحكي بالتونسي موش نورمال أسهل من خونا معز، ڨعدنا نحكوا على ڨابس كيفاش كانت و كيفاش ولٌت في جرت هالبخارة ! كاهو عاد تفاهمنا غدوى باش نمشوا نصوروا البرط !
وكيما تشوفوا في التصويرة شي يقزز الريحة تُڨتل و الجماعة تصدموا سام قالي هذا شط الموت برجوليا، ڨتله حني نعيشوا هُكاكة ! ڨالي شنوا هكاكة ؟ قُتله هكا في ڨابس نڨولوا هكاكة، على كل نتنفسوا بالسيف و حالة فينا !
نيكولاس يصور في عجبْ ربي و يتنفس بالسيف مسيكين، دهش وراسه وجعه مالريحة !
عاد بعد التعبة اللي فينا، عملِنا سام تصويرة بالايفون وهبطها ديركت عالفايسبوك، وڨال ميلزمناش نبتسموا مادامنا في شط الموت، هتا هوا أشْمِنْ دَزازْ عِجلة !
بِرجوليا نهار تعب اما المفيد صَورنا الكارثة اللي عِِنا بالك نهار تتنحْ علينا، وحني مروحين تذكرت أم اروى الشريف يرحمها
اللي ماتت مالبخارة !
ماني لڨيتها نقلت الدار في البلد، ماللي توفت اروى و ضياء، عمل معاها سام انترفيوا، حالها تصخف مالقيل و القال، هاو عطوها تعويض، تي برا الله يهدي ! نهار الحصيلوا تعدى يتعب عالاخر، اشنعم بالله مادام حال ڨابس تعب مالبخارة !